लवथवती विक्राळा ब्रम्हांडी माळा ।

विषें कंठ काळा त्रिनेत्री ज्वाळा ।

लावण्य सुंदर मस्तकी भाळा ।

तेथुनियां जल निर्मळ वाहे झुळझुळां ।। १ ।।

जय देव जय देव जय श्री शंकरा ।

आरती ओवाळं तुज कर्पुर गौरा || धृ ||

कर्पुरगौरा भोळा नयनी विशाळा ।

अर्धांगी पार्वती सुमनांच्या माळा ।

विभुतींचे उधळणं शितिकंठ नीळा ।

ऐंसा शंकर शोभे उमावेल्हाळा ।। २ ।।

जय देव जय देव जय श्री शंकरा ।

आरती ओवाळं तुज कर्पुर गौरा || धृ ||

देवी दैत्यी सागरमंथन पें केलें ।।

त्यामाजीं जें अवचित हळाहळ उठिलें ।।

तें त्वां असुरपणें प्राशन केले

नीलकंठ नाम प्रसिध्द झाले ।। ३ ।।

जय देव जय देव जय श्री शंकरा ।

आरती ओवाळं तुज कर्पुर गौरा || धृ ||

व्याघ्रांबर फणिवरधर सुंदर मदनारी ।

पंचानन मनमोहन मुनिजनसुखकारी ।

शतकोटींचें बीज वाचे उच्चारी ।

रघुकुलतिकल रामदासा अंतरी ।। ४ ।।

जय देव जय देव जय श्री शंकरा ।

आरती ओवाळं तुज कर्पुर गौरा || धृ ||